శ్రీ వెంకట్రావుగారి గీతరచన మామిడి చిగుళ్ళ వంటి పదాలతో చైత్రమాసంలోని చిరుగాలి వంటి శైలితో హాయిగా అనుభూతిపరంగా కోయిల పాడుతున్నట్లుంటాయి వీరి గేయాలు. ఎన్నో కవితా ధోరణుల వాదాల గందరగోళాల వర్తమాన రచనా ప్రపంచంలో ప్రశాంత సుమ పరిమళ మృదుసమీరం ఈ గేయశతం.

- శ్రీ జొన్నవిత్తుల రామలింగేశ్వరరావు, చలనచిత్ర గీత రచయిత

        మెత్తని చివుళ్ళను ఏరుకోవడం, వాటిని సుకుమారంగా అల్లటం ఆ చివురల పందిరిలో అక్కడక్కడ చక్కని ఉపమాన మొగ్గలను సంతరించడం - ఈ శిల్పం వెంకట్రావుగారిలో గోచరిస్తున్నది. ఉపమానాలు ఎరువు తెచుకున్నవి కావు. ఊహిస్తే ఉపమానాలకు కరువా అనిపించే కవివేరు.

- డా. రావూరి సత్యన్నారాయణరావు